小叻大約去過澳門十次, 記得94年來交流, 仲要做report, 當時氹仔好似發展中的新界咁, 到處大興土木, 現在已經發展完善了!
至於澳門馬拉松, 由99年起跑了6次, 記得第一次來, 我們5個city runners女仔在"君怡"share一間房, 有人仲迫到趺落地... 諗起都好笑~ 那時我們說要一起跑世界各地的馬拉松!
那次我跑4:35, 咁慢都唔預會有獎, 返到香港大會寄信比我通知我有A組季軍, 叫我去澳門田總取, 我真係睬佢都傻啦~ 到2000年我取號碼布時, 多口問下負責人仲有無得攞, 佢竟然答翌日會帶去會場比我, 真係好感動! 那個獎盃整個杯都是水晶造的, 是小叻第一個馬拉松的獎座, 至今都是我最喜愛的獎盃之一!
本來澳馬對於小叻已經失了吸引力, 不過因為兩位好耐無見的青年獅子會義工朋友, 小叻就報了名. 但其中一位朋友, 因加班而臨時未能出席, 我覺得係一個騙案囉...
6/12星期六, 約了Ryan和Pauline Tse中午在尖沙咀上船, 哈哈~ 三個女仔真係唔會悶!
我先陪她們前往氹仔駿景酒店取房間, 接著KK和楚健也到了, 我們一同到官也街找地方吃午餐. 原先想去呢間大東飯店, 怎料佢地兩點已經打烊, 我們三點來到book晚飯位, 佢都度來度去, 結果由KK出馬, 勸報老板娘比我地6:45booking, 但8點前要離席!
午餐就在山度士餐廳吃-
家庭舊式擺設-
我們試了鴨飯
唔記得映相tim~
我點的海鮮飯, 濕食, 好味!
焗爐魚
魚有菜送
烚菜-唔記得映!
薯蓉馬介休- 竟然唔咸又香~
樣樣都好有特式和好味~
不過細細支果汁都要12蚊, 礦泉水又要12蚊, 就真係好唔抵!
這間晃記最出名是肉切酥, 經常排長龍, 我們要在三時訂, 四時取貨, 真係巴閉!
路過見到我至愛的木糠布甸, 不過size太大, 我們幫趁了第二間!
取號碼布途中, 見到奧林匹克游泳館-
之後因為亞欣和Pauline Tse的報名有問題, 要再等等, 於是我們先回手信街取肉切酥, 再去買木糠布甸. 我們各在不同的餅店買了一杯, 她們的較淡, 我就欣賞creamy一點的!
又路經小飛象, 有小叻最愛的曲奇, 不過我忍了手!
之後三個師奶仔又去了酒店附近的超市掃貨, 原來澳門的沙甸魚真係好平, 我都入了4罐, Pauline Tse都入咗4-5罐, 再加香腸, 而亞欣就買了5包西梅, 咁遠托返去, 真係好好笑!
在駿景休息一會, 7時前到, KK和楚健已經在"大東"取了位-
一般中式飯店的擺設-
表面價錢好大眾化, 但唔知點解食了$115!
呢度最出名的燒肉-
鼓油雞-
晚上在運動場附近的聖誕燈飾-
今次因為朋友是旅行社員工有優惠, 我們入住澳門近新馬路的酒店Pointe 16 -
五星級, 好靚呀~
入屋了, 好興奮!
有舒適梳化-
高床暖枕, 不過熱死~
****************************************
因為棉被太熱, 晚上睡醒了數次. 早上4時起床, 4:45已食完沙甸魚+麥包早餐, 可以隨時出發. 但朋友早上才施施然食杯面, 扣號碼布和綁chips, 5時過了, 還說要開大... 激死我!
結果我們5:15落酒店大堂, 服務生說晨早好難找的士, 要call... 幸好當時分別有一對外籍男女和一名香港男士願意和我們share一架的士. 結果我們上了外國人那部.
早上5:30終於到運動場, 我們忙著寄行李, 一路上見到很多香港跑友, 好不熱鬧!
入到會場找洗手間, 只要等一個而已, 咁好彩?! 然後就找地方入場, 但大會保安竟然把守了入場通道, 除了特邀選手之外, 其餘人不淮進入! 我遇上了王柄全和賴吉等高手, 也不得其門而入!5:45我們可以進場, 跟大隊站在等候區的2-3行, 放人之後就退到4-5行, 而這時身邊已經沒有熟悉的跑友了.... 反而我見到了今場的對手, 有點擔心... 但正如我昨天跟Pauline說:"如果腳痛就沒有辦法, 如果腳不痛就不會怕, 隨緣吧!"
由於近來比賽少了, 起步時要一段時間才找到pacing, 我都是誤打誤撞, 不太計較. 3k開始舊患痛了, 不禁有點氣餒... 這時Grace出現, 總算是有個目標, 於是慢慢跟上她, 但6k之後, 她已經在我視線範圍內消失了! 然後有位黑衣bra top女子出現過了我, 我仲以為是Mingming... 見到兩位全馬女跑手都快過我, 信心又減了一截, 只好說服自己不要放棄, 跑完就是練一課了!
約9.5k, 被KK過了, 正在上橋, 我無力應他, 可能因為這星期都有點傷風, 我穿著便利雨衣都覺凍... 12k, 在碼頭附近的街道上, 風勢略減, 我見到垃圾桶就把雨衣棄掉了, 但由於背心很濕, 脫完好凍呀~ 無計啦, 唯有加速跑快一點, 結果愈來愈順. 16k上橋前, 我過了一名香港半馬女跑手, 接著18k, 見到我本場的主要對手, 就發力拋離她了! 我知道我仍有機會under1:40, 於是努力地跑... 18-19k, 里數牌不準, 短了一點, 於是最後兩k顯得好長, KK在附近督促我, 不過我無力加了~! 回到終點時也跑不出interval的form, 見到大會鐘1:40:26, 真係抵死囉!
有人告訴我有可能是半馬全場總冠軍, 但小叻沒甚麼興奮感覺- 1:40的時間得冠軍, 沒甚麼值得高興的! 不過我知道可以榜上有名, 也是慶幸的!
*********************************************
一班對自己成績不甚滿意的朋友, 在終點借睡消愁~
肥蝸牛1:42都話自己慢過行, 而消防成以3:03, 差20秒得梗頸8!
亞新因為忘了帶跑襪, 磨到起水泡而飲恨... 唔緊要啦~ 下次加油!
因為早兩年試過有香港跑手遲了報到被拒上台領獎, 我們匆忙地由酒店check-out回來,.乖乖地由9:30 standby等頒獎等到11:30都係企在運動場暴曬, 早知去行下街食下野先返來啦!
女子半馬全場頭三名, 咪就係B組頭三囉~
冠軍人馬周仔(最左)與小叻惺惺相惜, 其實早幾年全馬我已經同佢交過手, 雖然今次她跑1:33, 真係唔駛理我呢個跑1:40的二打六, 但她主動和我攀談, 還說有留意我經常在香港攞獎, 真係唔敢當! 不過對於跑完隻腳痛死的小叻, 真係一種鼓勵! 我仲佢取了email, 日後可以交流跑步心得!
大會工作人員問我們有無人係A組, Flora答:"我都好想係!"
一日內在頒獎台上站兩次的感覺, 總是美好的!
呢兩個獎盃重死, 攪到我去唔到威尼斯人觀光!
恭喜兩位香港女跑手分別造出3:15和3:16的佳績!
三位cosmogirlss首次來澳門跑全馬, 全部有獎, 付了700蚊都抵啦!
方生今次狀態大勇!
因為昨天已吃了葡餐, 沒有join cosmoboys去船屋, 跟方生去了聚龍酒樓飲茶.
這是小叻的戰利品-
