小叻點滴記憶誌

2007年3月31日星期六

最最最辛苦的暴曬廈門全馬

今年是小叻首次帶領City Runners衝出香港，好緊張呀~ 隊友包括Fish、Hannah和自行報團的Eric。

<3個City Runners~ girls only>

<新華廖sir團>共有35人，當中我認識約半團人

我們的團費是全港至平，<跑步舍>華哥伉儷也來join我們的旅行團

廈門是個清潔的城市，馬拉松賽道平坦，以往兩年比賽天氣良好，於是吸引小叻來作一個馬拉松的總結!

演武大橋我來了~

今年已經是第三年舟車勞動去廈門，一心想可以跑一個時間滿意而又舒服又開開心心的全馬。老實說，這次賽前準備不夠好，也沒有了以往跑馬拉松時的推動力支持和決心，不過總算預備了七八成，信心也增加了不少!

<兩個熱到呆呆地的HKRunners>

誰知道... 比賽當日下毛毛雨後暴曬，比香港渣打還要熱呀~ 我們大部分跑手曬到傻o左!

我的臉頰還曬到成隻燒豬咁!

國內馬拉松氣氛很不錯，開步時有表演和集體熱身，不過因我們太遲到步，又要趕緊上洗手間，根本沒有空欣賞!

原來有小志做嘉賓呀~ 早知早點上線啦!

起步時遲了，線上已經超多人，我和陳家豪, 馮立誠一起踏草叢狂迫上去，見到華哥時已經迫唔入，於是就打橫想出去. 點知見到廖sir說左邊前面都過唔到，唯有留下繼續迫... 心想，咁多慢人在前面，死梗! 一直迫上去迫到起跑時前面都仲有好多一排排的人!

起步時大約22度，步速不太差，平均步速跟我差不多的KK就在附近 - 不過他上鈄快，我趁就下鈄時超前。 11km，開口向Barth打了招呼 - 起初他竟然望不到我!他說打氣聲很煩，然後就絕塵而去。 (原來他30km就暈倒了入了醫院!)

12km橋上，見到一個穿黃色小泳衣的小妹妹在前面 - 我唔係眼花嘛? 我竟然輸比個小妹妹?!

後來知道她超犀利~ 原來她只有8歲，5歲已經開始跑全馬，每日上學前練習40公里，PB是3:28，今次也只是3:45而已! 不知是否跑得太多的關係，在一群大男人之中她顯得特別弱小，其實... 是否她爸爸迫她跑馬拉松? 我想起了十年前的Kitty Wu...

但17-18k見到亞Lam楚健在前面時已經有些辛苦。然後20km時被馮立誠過了，我過了亞lam又反被追回... (不過24km時又過番佢~) 我半程之後已經開始拖慢... 太陽伯伯又出來同我們玩遊戲! 成個人好似滾水咁...

我每個水站淋頭都唔夠，最後幾k仲要問沿途打氣的一個市民取水飲...

最後7k，長久以來都未試過有想行和放棄唔跑的感覺，現在就像行刑一樣... 然後一路就諗，以後唔跑全馬... 以後不來廈門... ...

聽聞中午有成三十三度，我估最後5k愈跑愈'慶'，抖唔到氣咁時，應該都有三十度!!!

最慘係有個比我矮的男人，在我爆了後還死迫在我附近，比手勢叫佢過又唔過，我加速佢又死跟... 最後我在水站取水後出來，他因為跟得太貼，竟然踢到我隻腳 - 即時有想抽的感覺! 於是我就忍唔住講:"你唔好跟住我啦，好煩呀~" 好似我'飛'仔咁~ 好好笑!

後半程一邊跑，一邊聽見救護車聲響個不停... 終點前那一公里要繞兩個彎顯得特別長，我怎樣也提不起勁發力... 然後見到在我前面的一名男跑手，一過了紅地毯就向前仆在地上... 嚇得我~ 好驚自己都會係咁~ 即時窒一窒步!

都未見過比賽時，一邊有途人打氣鼓勵你要堅持，另一邊廂有大會廣播說天氣不宜跑步，呼籲你"不要勉強，感覺辛苦就不要繼續跑，停下來休息或者慢慢行..."
超攪笑~

除了耐熱力特強的勁人如會計、Joejoe、亞雪之外，其他人一般閒閒地慢10-30分鐘,，跑開sub-3的變3頭; 3頭變3尾，sub-4變4半... 連高手都入廠或者行呀~ 好似幾個團 - 新華、飛達、樂華外傳團都有人入醫院!

所以，小叻算跌得少了，不太失望。只是... 本以為跑埋今場第20場馬拉松可以榮休... 現在... 點算呢?!

似乎除了第一年，廈門都是一個傷心之地... 看來小叻應該履行承諾 - 下次都係唔好再舊地重遊，以免觸景動情喇~

慶辛的是... 小叻終於在廈門sub-3.5，還了小叻和前Trainer一個心願!

馮立誠雖然患了"馬拉松賽前症候群"，他在賽前一晚夜麻麻遂間房週圍搵杯面，又話自己'唔係傻'，好似上o左身咁~ 但第二朝表現平穩- 第一次全馬3:29，仲快我20多秒 - 都話o左你實得咖啦!

又是往鼓浪嶼觀光，今年的導遊特別固執和長氣。好在今次他帶我們去"鋼琴博物館"，我們未去過，附近風景不錯，也算是有點兒收獲!

=========================

2007建发厦门国际马拉松冠军今天在厦门国际会展中心即时诞生!获得男子组冠军的是来自甘肃、编号为0025的中国选手李柱宏，他以2小时13分17秒的好成绩力挫群雄，这是首位在厦门国际马拉松赛取得冠军的中国男选手。第二名和第三名均为肯尼亚选手。

女子组冠军被来自中国的选手朱晓琳夺得，她的成绩为2小时26分07秒。这是中国选手男女选手首次在国际马拉松赛携手夺冠。
附李柱宏简介：
出生年月：1983年10月22日
出生地：甘肃平凉
体重：60公斤
身份：学生教育背景：大学个人爱好：音乐、驾驶奥运会报名项目：男子马拉松
最好成绩：2002北京国际马拉松赛男子马拉松冠军，个人最好纪录2小时14分39秒
运动经历：1999年进入甘肃省体工队，教练是杨建勋。
主要成绩： 2000年北京国际马拉松赛男子马拉松第十
2000年全国马拉松锦标赛男子马拉松第三
2001年北京国际马拉松赛男子马拉松第七
2001年九运会男子5000米第三
2002年北京国际马拉松赛男子马拉松冠军

超型仔呀~

2007年3月7日星期三

我要跑好每一隻馬!

神鳳兄在四千元注碼下，竟然在如此惡劣天氣下PB 3:17! 昨晚灣仔<廣東>宴請兩圍好熱鬧! 他像新郎哥一樣咁興奮，仲滿場飛，大家都替他高興，即場仲有頒現金獎儀式。不過我用電話拍照，沒有tools upload呀~

神鳳兄氣定神閒地跑:

但咁似晨運客嘅? 他在終點前戴著headphone，任何人打招呼也聽不到，只是聽到小叻的"神鳳四千蚊呀~"打氣聲! 他說高八度，好易聽!

其實他都要多謝小叻咖~ 因為3:20的賭注，其實是拿著小叻台北的證書而定下的! 明益佢啦! 所以嘛~ 只要有目標和信念... 還有一顆真正愛跑步的

講到努力和熱誠，小叻絕對不會輸給別人! 那些口裡說喜歡，其實另有所圖的人，是永遠不會成功的!

因為上星期<渣打>成績麻麻，小叻已經積極備戰. 有點擔心，因為舊患又發作了!

星期一晚，半夜練跑到凌晨。

星期二晚，繼續我的一公里承諾。

星期三晚，長課...

星期四晚，愛心十二3x4... 原來好好玩!

星期五... ?

星期日，水塘盃大潭 + 長課

這幾天特別冷，沒有你，小叻早已放棄和躲懶了!

        每次我覺得已倦疲
        每次我痛苦和生氣
        你對我說不可以跌了不起
        你我永遠不必說對不起
        誰為我天天鼓舞在一起

        每次我看不見未來
        每次我正想途中棄
        心中想起不可以對你不起
        我要愛你則需要更爭氣

        * 更記得同渡風雨的可貴
        何處沒有路
        幸運星幸運星
        仿如你照亮我為我指引
        若我沒你沒有這一切 *

        # 愛上了空中的星際
        要與你退隱群星裡

        永遠永遠甘苦也與你一起
        愛你愛你可知你太了不起
        明白到不可失去是身邊的你 #
        Repeat * #
今天看了marathon-photos的相，跑全馬的有成50張相~早知我都跑全程啦! 我雖然半馬都有成13張，也不錯了!

在奧運站連環快拍幾張都靚，不過西隧口那張更值得珍藏啊~ 因為可能改道後無得跑西隧了! 但係其他相如三號幹線上都拍得不好看

，還有終點前因為掛住望大鐘，那幾張衝線相反晒白眼

，好肉酸呀~

這3張特別靚，都有點想買$399全包package，但見到跑全馬的人多我咁多張，就覺得好唔抵!

2007年3月4日星期日

小叻渣打黑仔戰記

今天以"我要跑好呢條虫"為目標, 一直以為自己爭緊三四, 所以都好盡力跑! 本來想PB, 結果比目標時間甚至MIZUNO的時間都還要慢!

時間和名次都麻麻, 不過又濕又熱... 我這種怕熱的人, 中規中矩啦!

似乎次次跑<渣打>, 小叻都好黑仔. 昨晚11時才發現戰錶無電, 左度右度都度唔掂, 結果一點半才睡, 三點半起身... 第二朝為了想換電, 跑來跑去找人, 好徬徨... 又留低了支電油在行李區... 結果一點熱身也沒有做就上線了!

起步濕度高, 有點辛苦. 跟賢妹一起跑, 隻腳貼晒Dara推介的膠布(不過有d甩~). 3k度兩位小朋友就在我身旁絕麈而去. 我提自己唔好心急, 要在賢妹附近.

你看我和賢妹, 不但著了team衫, 還帶了team手cool和team錶500lap, 果然是隊友呀!

5k左右, H小姐好大步咁過了我們, 於是我就試下追上去, 結果甩了賢妹, 過了C小姐和bra-top竹星妹妹, 而zero妹妹就在前面不遠處.

U-turn時, 小朋友在我前面1k都無, 多謝Helper肥仔明叫我加油! 我知道自己在全場10名內, 分組應該大約是3-4, 名次不俗... 當下沉著應戰, 諗下計追H小姐.

9km, 穿著hkrunners背心的Richy追上來, 說:"一齊丫!" 有個伴唔駛咁悶, 小叻都想咖~ 不過佢好似好急咁, 我打手勢指示他慢慢來... 10km, 他竟然出聲逗我說話, 問我下星期hkrunners食飯confirm了地方未? 我在拼命, 那有心情理他? 他見我不答, 就慢慢棄我而去了... (不過在西隧已執了佢~)

13km, 有位不認識的泰基師兄經過, 問我識唔識Maggie? 吓? 呢d問題, 唔駛在比賽時答嘛? 佢見我唔睬佢, 就說:"講下野無所謂喎~" 你都無盡力, 又不用爭名次, 梗係唔緊要啦!

西隧前, 亞Lam用大聲公叫我個名同我打氣~ 作死你呀! 原本想無聲無息死釘對手, 點知被你破壞了!...

入了西隧, 起初跑得好舒服, 就加速過了H小姐, 點知去到谷底又侷又無風, 上鈄不久又被她過回了...

本來出了西隧仲好有心追, 同前面對手其實好近.... 點知同上年一樣, 又開始肚痛了... 結果發唔到力! 我個辛苦樣, 被37km的泰基會友見到了, 他們叫我"唔好喊啦!"
之後好有心咁發力想追番佢, 但最後都係追唔到...

多謝Fanny及Keith幫我映到衝線一刻, 1:38 是<渣打>半馬的PB~ 證明我有盡力跑好呢隻馬!

比賽後沖涼時發現patpat又係流晒血, 仲要肚痛, 想去toilet又去唔到... 之後發現膝痛之發作了... 飲茶時又痛又累又眼訓, 好辛苦! 見到我跛跛下, 有人笑說跑完全馬的人都唔似我咁辛苦...

不過, 小叻都忍住, 因為小叻承諾了要在終點等City Runners. 因為我也是marathon runner, 我知道朋友支持和鼓勵是很重要的! 所以更累也由3:0x等到4:5x, 在終點前等我的朋友回來:

全馬終點前最後200米相片

在終點前, 我和方太的打氣聲都無停過, 又要掛住映相. 隔離個姐姐仔, 問小叻點解咁犀利, 人人個名都叫得出? 當然啦~ 在跑界十多年的小叻, 點都累積到不少朋友吧! 更何況, 小叻好喜歡一起跑一起有著共同的目標... 往往是為朋友而戰啊!

Fish~ 又傷又病都番到來, 仲快過Leon, 勁呀!

今天看見人人在訴說跑全馬的辛酸, 忽然好後悔自己這次無跑全隻馬! 又發現原來今天沒有跟任何人拍大合照, 有點失落... 我想我還是喜歡馬拉松那種艱辛後的滿足感!

這個獎當然唔係我的, 我沒有這個本事... 不過朋友拿獎了, 辛苦的成果有回報, 就跟小叻自己拿獎一樣高興呀! 好叻呀~

2007年3月3日星期六

渣打我來了一起努力呀!

給了City Runners Tips和鼓勵, 再加上跟戰友坦白了, 使自己也有了推動力!

想起了以往跑大專賽的日子, 想起了以往一起跑渣打和澳門的開心事, 然後也記起了去年5個馬拉松的奮鬥...

好可能是暫別賽, 明天小叻會全力以赴, 奮力一戰!

希望"你"也可以打破宿命, 爭取好成績吧!

參加明天比賽的City Runners如下:

全馬: Eunice, 賴佬, 家康, 修, 豪, Fish, Calvin, Eric, Armarjit, Leon

半馬: 小叻, Hannah, 曦

10K: Ricky, Anna

DART 師兄 (半馬): 思達, 發仔

希望在路上見到更多熟人啦!

BE THE BEST THAT: WE can be! BE THE BEST THAT: WE can be!

City U Huash, City U Huash, City U Huash Huash Huash!

我要跑好呢條"松"! 我們一定得!

其他的跑友, blog友, 我唔得閒提起你地咋, 唔好以為你們明天可以偷懶呀~ 我會在路上看著你們的!

一齊努力啦!

2007年2月26日星期一

渣打馬拉松我的十週年!

去年是<渣打馬拉松>的十週年, 不過今年才是小叻參加此賽事的十週年!

97年1月, 當一眾師兄師姊跑港深<渣打馬拉松>的時候(那時只有馬拉松一個項目), 我連馬拉松的距離是多少也不知道, 只知道是個天文數字...

97年7月1日, 田總舉辦了<青馬馬拉松>, 慶回歸及青馬橋落成, 小叻就參加了十公里 (那時只有10k和全馬可選擇!). 那年落大雨, 小叻有朋友首次挑戰馬拉松, 結果又凍又餓, 最後5公里被迫上車! 那時小叻聽到都怕怕了, 又好慶幸自己沒有被遊說跑全程...

98年, 首次參加<渣打新機場馬拉松>的十公里(那時仍只有10k和全馬可選擇!), 機場跑道又長又直, 要來回兩次, 超悶~

99年, 在跑隊的鼓勵下, 一班人柴娃娃的開始練跑長一點. 幾個月之內由10公里跑半馬, 再跑全馬, 再挑戰真正的渣打"馬拉松". 那時訓練不足, 25k已經開始好辛苦, 不過成team人一起跑, 路上互相鼓勵, 因此我完成了! 當時用了4個半小時的我, 大腿內側磨損了, 全是血! 之後成隊人都跛跛下行去飲茶, 好難忘!

2000年, 因為要留力一個重要賽事, 跑了10k便與一位師兄一同jog回起點, 是小叻唯一一次在<渣打>上岸. 不過早點回去又可以拿到特別紀念品, 都好興奮!

以往小叻跑<渣打>, 只是當一個party, 在路上見到舊同學, 舊同事, 舊隊友, 划龍舟的, 划艇的, 玩水的, 長跑的, 短跑的, 行山的, 攀石的... 全都會在無意中碰上, 然後可以揮揮手, 打招呼, 寒喧一下, 互相鼓勵... 然後跑完一同大吃一頓, 好開心呢!

其實每次跑<渣打>, 小叻的時間都不好. 2005年, 因為有高人指點和跑友的支持, 小叻有了目標, 結果成功取得PB和首次站上<渣打>的頒獎台.

那年好凍, 回到終點後便下大雨, 小叻一邊等頒獎, 一邊在終點等朋友拍照和打氣, 穿了Gortex和fleece都凍得要命! 這是小叻最難忘的一場<渣打>!

去年小叻企圖打破全馬成績的困局, 挑戰獎金, 結果又不成功. 最後又血又跛的回家. 所以提起<渣打>, 小叻都怕怕了!

不過, 每年<渣打>都是我與跑友和City跑隊師兄弟姊妹聚首一堂的日子, 每次我都熱切期待!

但是, 因為腳傷影響練習. 小叻根本沒有好好準備比賽... 今年愈近<渣打>, 小叻就愈擔心... 現在小叻竟然想逃避出賽呀~!

2006年12月18日星期一

只要不放棄 - 台北馬拉松PB!

99年用了4:30完成馬拉松的小叻, 3:20的目標對小叻來說, 是個遙遠的夢.
05年及06年廈門曾希望完成sub3:30的目標, 可惜始終未能達標.

10月尾在韓國跑完一場3:25之後, 激發了小叻的戰鬥心, 定下了台北3:20的目標.
因自己之前根本沒有想過要再造PB, 所以一早報了12月頭新加坡馬拉松觀光團, 一場3:33加上賽後病了, 令小叻信心大跌, 大家亦一致不看好小叻會做到3:20...

15/12出征台北前早上, 突然在家中暈倒... 然後小叻在想, 應否認命, 不出發, 放棄自己的夢呢?
然後廖sir著我先出發, 再打算...

晚上去了士林夜市掃街, 炸臭豆腐, 辣豆腐, 魷魚羹, 當歸鴨, 紅油抄手, 大餅包小餅, 蚵仔煎, 窩夫, 棺材版, 果汁... 盡興而回! 最欣賞是朱古力醬士多啤梨~

16/12早上看賽道, 唔明點解下午又行多一次?! 想悶死人咩? 不過小叻又懶得落車, 所以就...

下午跟鴨仔團去台北探索館, 101, NewYorkNewYork, 中正紀念堂, 走來走去, 很累!

晚飯後領隊派發號碼布和場刊. 號碼布是"913", 是否代表"941生"呢?
參賽名單上有18人, 包括韓妹一個, 日本妹一個, 鬼妹一個, 再加上小叻曾經輸給的G小姐... 獎牌只得兩個, 小叻狀態又不好... 廖sir一群人, 最小機會拿獎的是我, 點算好呢?
晚上8時半出西門盯買手信買到要買埋行李箱! 行到10時半, 12時才睡, 明早還要4時起床, 4時半出發啊!

17/12 老實說, 小叻心裡早打了輸數. 小叻的目標是總之under3:25, 破PB, 和盡量跟到G小姐, 爭獎!由於2km已經發現跟不到錶的嘟嘟聲, 所以小叻就懶得理甚麼pacing! 小叻只是按自己當時的感覺, 盡量輕鬆地快跑.

6km, 見到有個人跳著繩跑, 心想只是跑9km吧? 點知去到9km分支路, 他轉去了全馬那邊! 我追到成11km, 要發少少力才過了他, 真是奇人奇技, 勁!

9km, 一名擺手左搖右擺, 又八字腳的韓國女子過了我, 我心想... 跑成咁都快過我? 12-13km, 接回半馬跑得慢的人, 屍橫遍野... 慢跑的行的... 好得人驚, 要不受他們影響繼續快跑, 有點困難... 小叻於是找前面橙背心全馬男子緊釘, 免得自己pacing慢了!

這時有兩位台灣黃白背心男人經過, 讚我很棒! 小叻就照自己舒服的pacing, 跟他們一起跑. 當16-17km, 當他們發現小叻還可以變速過人的時間, 他們就讚小叻'了不起'和'很厲害'! 呵呵~
過了20km, 在似'三號幹線'的高速公路上跑, 很大風, 小叻最怕悶咖喇~ 加上腳有點扯, 膝痛毛病有點閃出來,

看看21km的時間, 要3:20有點困難... 加上小叻好像慢了點, 跟不上黃背心男子, 有點氣餒...
這時看見Keith對面線迎面而來, 我們打了招呼... 小叻提自己:"比賽時每一刻都不可以放鬆, 不可以放棄!"
然後和對頭的蔡生擊了掌, 似乎有點動力傳了過來, 於是小叻慢慢加速超前了黃背心!
之後就見到嘉慧了, 好時間呀~ 她後面應該有兩個台灣女子, 然後u-turn前1k, 見到之前過了我的韓國女跑手!
回頭拿了綠色手圈, 風仍然好大, 這時有一身型健碩男子發力經過, 就專心跟著他跑, 不過只吊到1k, 又其實擋不到風, 於是小叻又試下跟在兩名男子身後, 都無用... 只有加點力跑吧!
中途在對頭見到朋友Connie, 很意外呢!

29km, 風沒有那麼大, 好想發力但要游水過一些好慢的半馬選手, 小叻好'忟'! 想喊!

32km, 終於可以跟半馬人士分開一會, 不過之後是上落橋和大逆風, 看看錶時間無多, 如果pacing再跌就PB無望了, 好沮喪...
33km見到韓妹, 小叻慢慢拉近距離, 34km一口氣發力過了韓妹.
時間是2:30, 見到Keith和回程, 小叻還有8km! 究竟最後個u-turn在那裡? 遠眺還有大鈄橋上鈄, 唔好玩啦~ 我無貨喇...

36km, 終於turn了, 不過小叻真的沒有力再加... 於是死跟前面幾個台灣男子. 想加大步幅, 但一下鈄又拉住想抽... 37km, 小叻提自己只要捱多20分鐘唔抽, 就可以PB了, 要頂住~
仲有要有跑得辛苦的感覺, 唔好留喇~

39-41km的牌, 竟然喜出望外的近! 望一望錶, 咿~ 320, 有機喎~ 專心, 就當跑interval吧!
最後1k, 竟然要入隧道再上鈄, 小心, 唔好抽呀~
上完鈄又要u-turn? 點解咁耐仲未到...? 我提不起腳了!
這時聽到Keith說最後100m, 好, 小叻去盡... 完成了! 錶上時間是3:16, 我遲了約2-3分按錶, 即是3:20啦! yeah!

原來唔睇錶, 亂跑一通都可以PB!

多謝Keith和廖sir在終點等小叻! 好感動呀~

大會起初出錯成績, 寫了小叻是全場第一名, 大家說我應該很高興, 但我就說:"很可怕呀~" 不是嗎? 跑得咁慢的小叻, 得總冠軍喎? 有人叫我快快拿獎金走人... 嘩~ 咁咪即係呃人? NT1,000,000的獎金, 係好吸引, 但總賣不到小叻的人格的! 見大家指著我的名在指指點點, 說"有無攪錯?!"... 你地唔好怪小叻啦, 唔關我事咖~ 我已經第一時間通知嘉慧, 叫她去同大會appeal咖喇~