阻滯...

為何今年跑全隻總是事事不如意?

剛落實12月之旅要改機票, 嘔多成1.6k, 仲要揹晒野返工, 仲要夜麻麻一條友出機場, 都咪話唔驚!

努力中...

最近為了未來隻馬, 再加上工作繁重, 都幾辛苦下, 不過小叻都好開心.

這個星期的訓練量會再增加20%. 究竟小叻是否可以應付得來呢?

要多謝教練~ 我現在的目標清晰而明確. 小叻會自律了, 一起加油!

我從布達佩斯回來了~

今早平安抵港, 15分鐘後要趕返工lu~

唔想提個trip... 行程無論在planning, travelling都好辛苦, 時間不滿意, 旅程中不愉快經歷, 又大懜無啦啦遺失了現金, 所以唔係好想寫blog...

比賽... 覺得時不與我囉~ 明明星期五仲涼涼地有陰, 星期日就又曬又熱... 頂!

而且, 大部分當地人真係唔係咁friendly和helpful... 我想我不會再去了!

==========================

同埋我想講~

唔係人人都想將自己的時間和成績公告於人前! 尤其是一個失敗/ 不太開心的經驗...

事實上今次的成績, 小叻自己暫時只報了給幾個人知...

相信尊重和愛護小叻的人, 在留言之前, 明白我說甚麼和想一下我的感受吧!

朝早出發lu~

死啦死啦~ 仲未執好野tim...

各位我上路喇~ 唔駛掛住我... d手信!

呢生人第21個啦啦蘇, 等我呀~ 請祝福小叻吧!

障礙重重之全馬計劃

5/9 2230: 今晚本來想confirm酒店, 但最近和最便宜的酒店, 昨晚還未full, 今晚卻full了!

跟手check埋其他合理價錢的選擇, 全都是full-booking!

於是小叻就哭了起來...

只想開開心心地遠遊和比賽, 實現夢想, 點解個天要三番四次咁玩我?

 我唔玩喇~

********************************************

5/9 0200: 剛check到有間咁上下位置but高少少價位, 可以只book兩天(其餘日子要捱床位...) , 而且網上book有15%off, send了request, 仲要等email回覆有無位!

每晚找資料至凌晨兩點, 好鬼死眼訓呀...

*******************************************

6/9 0100: 由於一位戰友加入, 終於confirm到中間三日離race centre 2km的酒店. 心都定少少!

自遊行計劃 原來好辛苦!

一連幾晚唔夠訓, 係咁打價, 好疲累呀~

今天四出撲飛, 終於買到張中'上'價機票... 今天已經累到不能練跑了! 原來機票個市係海鮮價, 日日係咁升咖! 一到凌晨12點又跳一跳!

駛成皮咁貴, 一定要努力呀!!!

但係仲有住宿行程等問題要有排煩~

小叻不嬲心口有個勇字咖! 不過家陣都有d擔心... 尤其是當我望到張地圖都唔係英文字, 剩係睇d街道格仔都睇死! 又有人話入夜治安唔好, 連訓機場都唔得! 咁...難得'協調'到請晒假嘛... 唔想side咗囉~ 原來以往跟團去跑, 真係好幸福. 家陣晚晚要上網check住宿和其他旅遊資料, 鬼死咁辛苦... 好眼訓呀~ ** 不用再問我地點, 我唔想公開!

突然的馬拉松之旅 蘊釀中

因為老細強制性十月之後唔可以取VL, 仲要佢就快要交appraisal... 想請假? 除非想唔撈啦!

揀無可揀之下, 唯有'協調'至9月尾放假... 度緊去邊度跑全馬...

得番一個月preparation, 可以嗎?

之不過...

05年頭, 小叻共跑了16個馬拉松, 始終破不了3:30的困局.
認命嗎? 小叻不要!
結果10月韓國之旅, 小叻成功了!

今次新加坡照小叻的5分左右pacing來看, 台北3:20的夢似乎遠了!
放棄嗎? 小叻不要!
一次跑不好, 咪下次囉~ 兩次三次跑不好, 檢討後又再來啦!
要不就改下比賽和練習模式啦!

以上是小叻去年跑台北前勉勵別人的說話, 結果小叻在大家睇死之下成功PB達標了!

好, 又死一次吧!

就像昨晚突然最後爆一個3:41一樣!!!