奪命鈄之Rockport7.2公里顛峰之戰2011

今天貪新鮮同埋...想換新boot, 參加首次舉辦的Rockport7.2公里顛峰之戰, 本週共有2個賽事在星期六, 7個在星期日, 而且rockport是最遲通知報名的, 想不到也有不少高手參加! 本來以為賽道跟發財跑差不多...原來, 最後1k係"奪命鈄"呀<-連個k牌都係咁寫, 有相為證! 
見到佢同埋條45度的鈄... 真係"啤"一聲! 我隔離有個著rockport的年青人上緊鈄仲忍唔住講咗句"x街"... 小叻心想, 不如留番啖氣撐上山罷啦...哈哈~!
一直上山無停過, 尾段好想放棄慢下來, 明明仲有成700米, 工作人員竟然話100米囉... 信佢就慘喇~! 
我個組別係18-39, 仲有姚潔貞和Winnye咁強勁的同組對手, 人地跑31分和35分咋... 真係好難搵食!

大會邀請了黃浩然頒獎!

青領好partner亞聲和他的朋友仔都幾支持sportsoho的比賽喎~

恭喜晒長跑網咁多位師兄和lulu姐得獎, 尤其是又得個人亞軍又抽中timex錶的金金... 恨死隔離...!

最後多謝咁多位師兄獻出團體獎金請飲茶, 點心好好味呀~!

長洲新年行大運2011

因今個星期才知道方太沒有報燒鵝盃, 於是2011年- 新開始小叻參加了一個從沒有參加過的比賽 - 第十屆長洲元旦健跑樂及越野賽.
昨晚2時左右睡, 一心想起到身才跑, 醒來已是7時半, 在中環碼頭問一問, 9時的快船可以35分鐘到, 我才決定上船!
9:45到場, 填報名表, 取號碼布, 寄完行李已是9:5x... 一上線發現... 原來有不少樂華會友在, 而女子組更是高手如雲, 有兩三位係實力相當的對手, 可惜小叻今天唔夠瞓又準備不足, 完全無戰意呢!一心只想湊熱鬧行一個大運, 和好好練一課10k, 名次... 管他吧!

起步已是大墮後, 但小叻不心急, 我知道這條路線的女子紀錄是48分, 上鈄一定好甘, 有排捱...
起步後11分鐘, 正在上大鈄時, 突見黑人跑手Thomas已經u-turn下山, 唔係咁快嘛?!
上得死死下的小叻, 咩都唔理,繼續以龜速前進, 有些路段是今年來玩是行過的, 不過都唔太肯定, 有時好怕帶頭會走錯路...
到了5-6k是一段長命鈄, 幾位樂華的叔叔和明哥就在前面, 到了再下鈄的時候, 小叻忽然覺得愈跑愈有, 於是就pass了他們...
剩下3-4k左右, 發現兩名女跑手就在前面100米內, 小叻知道只要戰略做得好, 小叻是可以超前的...
於是小叻不慌不忙地加速, 最後3k時過了一位, 最後2k時又過了另一位...
Last 1K, 見到另一位女參加者就在前面, 我很想再大步一點, 可是力有不繼, 最終是第七名完成!

其實呢場幾好玩, 好多實力差唔多的對手, 真係放鬆少少都差一個名次! Last 1K都幾高速, 新年跑完感覺真好!

賽事中心在長洲一所學校內, 跑完有凍水涼沖, 都幾好咖~

呢個board好精美... 係咪比小叻睇咖?

男女子各分三組, 有十個獎, 頭三有獎盃, 只有第一名有獎品-華威酒店coupon-

成12點幾才開始頒獎, 大家等到好肚餓...

呢位嘉賓係吉野太太 - 長

賽後跟方生及樂華會友去了吃出名的長洲魚蛋粉同埋魚仔餅, 仲買了杏仁餅作手信~ 好滿足呀~!

重新挑戰石崗賽道 Boxing Day執番個PB

依然記得2000年第一次參加HKMP首次舉辦的石崗比賽, 這個"又越過高山又越過谷的比賽, 雖然很甘, 但很有挑戰性, 使人印象難忘! 翌年跟City Runners再次參加, 10度以下的天氣加上下雨, 回來時撐著傘抱著背包無處可坐... 為免再淋濕身體更凍, 只好蹲下來休息... 又濕又冷又餓的可憐情景, 依然歷歷在目... 然後發現終點取回的禮物包內, 竟然有提子包一個, 簡直是感動得想喊~!!!

一直覺得這比賽是渣打前最好的測試, 可是因為race schedule配合不了, 加上08年傷了之後, 就不敢再跑大上大落的比賽...

今次為了好好預備渣打, 小叻2005年後第一次出戰石崗30k, 一心唔計較時間下, 迫自己跑一個優質的30k當練長課, 想不到台馬後一週以練習心態出賽, 也可以跑出好時間~

起步線前四周盡是老友, Melissa和Peggy F4和F1要三催四請才上前, 左邊是方生及振長... 起步時小叻不慌不忙的出發, 以上星期的marathon pacing前進, 約2-3k段過了第一個上落位, 已經立見高下, 附近多是差不多步速的參賽者, 到了5-6k開始的上鈄路, 小叻慢了點但腳步不停, 依然在中游位置, 因為早上只吃了點麥皮和餅乾, 加上天氣冷, 開始有點肚餓, 唯有取出一包gel吃了一口. 約8-9k時, 突然有位灰白髮的中年男士5067http://picasaweb.google.com/adam02062001/Kappa30Km#5555203634181557314突然以很急促的呼吸聲在小叻附近出現, 小叻以會計私傳特技 - 變速意圖放甩他, 但不成功, 糾纏了一會, 終於可以放他走了!

然後是一段下坡的路, 直至眺望到大壩, 已經見到Thomas和外籍人士掉頭, 小叻知道快要到一半了~ 開始加了點力... 可是... 壩上很曬很大風, 只能跟著前面的跑手前進...

我是熟路的, 知道在壩尾還要再往下走, 看到對頭的前列跑手, 小叻已被拋離了... 但女子則差不多在再次下坡時才見到...

U-turn之後是連綿不絕的上鈄, 小叻只好以均慢速咬緊牙關捱上去, 回到了壩時, 已經知道自己今天表現和名次都不差, 只要努力頂住就行了, 心情放鬆了一點, 也開始有點笑容...

22k左右, 我終於見到美倫的尾燈, 我知道只要繼續前進, 我應該可以過她了~ 不一會我在她身邊經過, 然後跟打氣她說捱多半個鐘就行了!

我知道24k的下坡將是小叻追時間的好時機, 可惜是有點累, 只能追回一兩個男子... 前面有一位紫衫的地中海男士, 纏繞了小叻好一會, 唔好打亂我啦~唔該!

到了25k的上鈄, 小叻終於追上了另一名外籍女子, 她及有一兩位男士在我過了後就開始行, 而小叻對這條長命鈄早已撩如指掌, 我就慢慢un上去囉~

到了剩下4.5k小壩前的上鈄, 前面突然出現兩位散步的中年男女在嬉戲, 正在發力向上走的我只能無力的發出呼叫聲, 男的拉向左, 女的拉向右, 於是擋著我整個去路, 唔好玩啦~我冧喇~於是差點哭了起來, 而我小心閃避了後, 他們竟然幸災樂禍的嬉笑-正一衰人!!!

半程之後已經知自己有機會破PB, 雖然條路上鈄勁多, 跑跑下又好大風吹到好凍, 都好比心機捱下去... 08年中大傷後久違了的PB, 今天終於尋回了!

2005時間是2:37'33, 今天是 2:37'18, 快咗... 15秒咁大把~ 仲要尾3k見住同組對手但加速唔到, 最後輸100米得女子A組梗頸四 (唔知點解小叻仲要同妹妹仔鬥囉~)!

女子隊際輸分幾鐘, 早知... 努力少少啦~ 不過獎品其實都是track suit上衣一件, 無所謂~ 皆大歡喜!

不過總算是狀態回升, 信心增強了一點!

Boxing Day.... 果然得了份大禮物呀~!

與Viola, Pauline Tse臨時拉夫組隊, last day才報名, 隊名是: Addicted Marathon Ladies~ 係咪好貼切呢? ^O^V

女子C組得獎者美倫, Pauline Tse... Boxing Day得獎, 大家都好開心!

美倫的笑容依然燦爛~!

2005年去了澳洲讀書的City Runners師弟 - 學成回來的Dicky, 已經有5年無見了~!

恭喜30K女子全場總冠軍Peggy!

今次終於唔駛做亞二啦~

唔明點解小叻仲係A組, 要同妹妹仔競賽囉... 我2000年第一次參加時已經係A組 =.=!

咁小叻企埋去, 其實又差唔多啫~ ^O^V 不過掉頭時睇漏咗第二那位女士, 仲以為自己全場第四, 家陣係第六... 有點失望~!

恭喜各方好友得獎~ 聖誕節得禮物, 皆大歡喜!

今天帶來台北手信 - 聖誕糖跟大家分享!

小叻呢幾日心情靚靚跑得開心, 都要鳴謝一下某人先~